D.I. Mendeleyev nomidagi Rossiya kimyo-texnologiyalari universiteti (RKTU) filialida O‘qituvchi va murabbiylar kuniga bag‘ishlangan tantanali tadbir bo‘lib o‘tdi.

Filial talabalari tomonidan tayyorlangan bayram dasturi musiqiy kompozitsiyalar, she'rlar, chastushkalar va yumoristik chiqishlarni o'zida jamladi. Ijodiy chiqishlar quvonch, samimiylik va o'qituvchilarga bo'lgan chinakam minnatdorchilik muhitini yaratdi.

Filial dekani A. Abduraximovaning "Oliy ta'lim a'lochisi" ko'krak nishoni bilan taqdirlanishi tadbirning o'ziga xos muhim voqeasi bo'ldi.

Tantanali marosimda faxriy mehmonlar ishtirok etdilar: O‘zbekiston Respublikasi Ma’naviyat va ma’rifat markazi rahbari M. Eshnazarov, filial ijrochi direktori maslahatchisi U. Yusupov, Kimyo va farmatsevtika sanoati xodimlari kasaba uyushmasi Respublika kengashining bosh mutaxassisi G. Miraxmedova, shuningdek, mehnat huquqi bo‘yicha inspektor M. Abbosov.

Ushbu tadbir o‘qituvchi va murabbiylarning kasbiy mehnati, bilimi, tajribasi hamda yosh avlodni tarbiyalash va rivojlantirishga qo‘shayotgan ulkan hissasi uchun chuqur hurmat va minnatdorchilik ramziga aylandi.