“Payshanba — yoshlar kuni” loyihasi doirasida 8-oktabr kuni D. I. Mendeleyev nomidagi Rossiya kimyo-texnologiya universiteti filialining ijrochi direktori B. Nurmatov yosh o‘qituvchilar va olimlar bilan uchrashuv o‘tkazdi.

Uchrashuv ochiq muloqot shaklida bo‘lib o‘tdi. Unda ishtirokchilar kasbiy va ilmiy rivojlanish masalalari, shuningdek, o‘z loyihalari, startaplari va ilmiy tashabbuslarini amalga oshirish imkoniyatlarini muhokama qildilar.

B. Nurmatov yosh mutaxassislarni qo‘llab-quvvatlash va ularning kasbiy rivojlanishi uchun zarur shart-sharoitlarni yaratish muhimligini ta’kidladi. Filialda ilmiy tadqiqotlar olib borish va istiqbolli loyihalarni amalga oshirish uchun laboratoriyalar, maxsus jihozlangan xonalar hamda zarur infratuzilma mavjud.