Joriy yilning 26-fevral kuni filialda “Ilm xotin-qizlari – kelajak qizlari” shiori ostida talaba qizlarning ilmiy jamoatchilik vakillari bilan uchrashuvi tashkil etildi.

 Tadbirning faxriy mehmonlari sifatida professor, kimyo-biologiya fanlari doktori Olga Vladimirovna Myachina va matematika fanlari professori Oksana Baxtiyarovna Ismoilovalar ishtirok etishdi.

 Uchrashuvda olimlar o‘z kasbiy tajribalarini talabalar bilan o‘rtoqlashdi, ilm-fan sari yo‘l, ilm-fan yutuqlari va zamonaviy tadqiqotlarni rivojlantirish istiqbollari haqida so‘z yuritdi. Xotin-qizlarning ilm-fandagi o‘rni, bilim olishi, azmu shijoat va o‘z-o‘zini doimo rivojlantirishga alohida e’tibor qaratildi.

Tadbir iliq va ruhlantiruvchi muhitda o‘tdi. Talabalar o'zlarini qiziqtirgan savollarni berishdi, qimmatli maslahatlar olishdi va kelgusida kasbiy o'sishi uchun motivatsiya olishdi.

 Bunday uchrashuvlar yoshlarning ilmiy faoliyatga qiziqishini oshirish, xotin-qizlarning ta’lim va ilm-fan sohasidagi rolini kuchaytirishga xizmat qilmoqda.