O‘zbekiston Respublikasi Oliy ta’lim, fan va innovatsiyalar vazirligining 2025-yil 25-noyabrdagi 03/61-424/16-sonli buyrug‘iga asosan, shuningdek, 2025-yilda yoshlarga oid davlat siyosatini amalga oshirishni nazorat qilish rejasining 16-bandini bajarish maqsadida “Avlod-avlod” filialimiz qoshida “Avlod” filialimizda rasmlar tanlovi tashkil etildi va o‘tkazildi.

Tadbirdan ko‘zlangan asosiy maqsad yoshlar o‘rtasida barqaror ma’naviy-axloqiy qadriyatlarni shakllantirish, buzg‘unchi oqimlar va radikal g‘oyalar ta’sirining oldini olish, shuningdek, buyuk ma’rifatparvar va termiziy allomalarning boy merosini keng targ‘ib etishdan iborat edi.

Talabalar tomonidan ta’lim-tarbiya, avlodlar davomiyligi, tarixiy-madaniy merosga hurmat g‘oyalari aks etgan ijodiy ishlar namoyish etildi. Tanlov natijalariga ko‘ra eng yaxshi ishlar aniqlanib, esdalik sovg‘alari bilan taqdirlandi.

Tadbir tahsil olayotgan yoshlarning ijodiy salohiyatini yuksaltirish va ularning fuqarolik pozitsiyasini mustahkamlashga xizmat qildi, shuningdek, yoshlarga oid davlat siyosatini amalga oshirishga muhim hissa bo‘ldi.